काँग्रेस चा नीचपणा - इटालीयन नेत्यांकडून मोदींवर टीका आणि राहूल गांधी टाळ्या वाजवतात..*

 #रोखठोक_दयानंद_नेने 

💥 *काँग्रेस चा नीचपणा - इटालीयन नेत्यांकडून मोदींवर टीका आणि राहूल गांधी टाळ्या वाजवतात..*

“VOTE CHOR, GADDI CHHOD… VOTE THIEF, LEAVE YOUR SEAT!” च्या घोषणा आणि त्याही परदेशीं नेत्यांकडून? धिक्कार असो!

• हैदराबादमध्ये काँग्रेसच्या Bharat Summit मध्ये इटलीच्या Party of European Socialists चे महासचिव Giacomo Filibeck यांनी राहुल गांधींच्या उपस्थितीत भारताच्या पंतप्रधानांविरोधात या घोषणा दिल्या. विशेष म्हणजे राहुल गांधी त्यावर हसत आणि टाळ्या वाजवत होते!

आता प्रश्न काँग्रेसला विचारायलाच हवा.

भारताची लोकशाही, भारताच्या निवडणुका आणि भारतातील मतदारांचा कौल यावर भाष्य करण्यासाठी परदेशी राजकीय नेत्यांना भारतीय व्यासपीठावर आमंत्रित करण्यामागचा नेमका हेतू काय?

• भारतामध्ये निवडणुका होतात. त्यासाठी स्वतंत्र निवडणूक आयोग आहे. मतदार आहेत, राजकीय पक्ष आहेत, न्यायालये आहेत आणि घटनात्मक यंत्रणा आहेत. मतदारयादीत काही आक्षेप असतील तर त्यासाठी कायदेशीर मार्ग उपलब्ध आहेत. पुरावे असतील तर ते सक्षम यंत्रणांसमोर सादर करा. न्यायालयात जा. लोकशाही मार्गाने लढा.

पण भारताच्या लोकशाहीवर प्रश्नचिन्ह उपस्थित करण्यासाठी परदेशी राजकीय नेत्यांना बोलावणे आणि त्यांच्याकडून आपल्या राजकीय घोषणा वदवून घेणे, हा कोणता लोकशाहीचा प्रयोग आहे?

Giacomo Filibeck हे इटलीच्या अंतर्गत राजकारणात एका विशिष्ट राजकीय विचारधारेचे प्रतिनिधित्व करतात. भारताच्या निवडणूक प्रक्रियेची संपूर्ण माहिती, तिची घटनात्मक चौकट आणि वस्तुस्थिती यांचा स्वतंत्र अभ्यास न करता त्यांनी भारतीय राजकारणात अशा घोषणा देणे कितपत योग्य आहे?

🔹 राहुल गांधींनी एक गोष्ट स्पष्ट करावी.

भारतीय लोकशाहीचे प्रश्न भारतीयांनीच सोडवायचे की त्यासाठी आता परदेशी राजकीय नेत्यांची प्रमाणपत्रे घ्यायची?

परदेशी पाहुणे भारतात येऊन लोकशाही, सामाजिक न्याय आणि मानवी हक्कांवर चर्चा करतात, त्याचे स्वागतच आहे. पण भारताच्या अंतर्गत राजकीय संघर्षात सहभागी होऊन विशिष्ट पक्षाच्या घोषणा देणे हा वेगळा विषय आहे.

विरोधक म्हणून सरकारला प्रश्न विचारा. निवडणूक आयोगाला जाब विचारा. पुरावे द्या. जनतेसमोर तथ्ये मांडा.

पण भारताच्या लोकशाहीवरील वादाला आंतरराष्ट्रीय राजकीय व्यासपीठावर नेऊन त्यातून देशांतर्गत राजकीय लाभ मिळवण्याचा प्रयत्न असेल, तर त्यावर प्रश्न विचारले जाणारच!

भारताची लोकशाही परदेशी नेत्यांच्या समर्थनावर चालत नाही. तिचा अंतिम निर्णय भारतीय मतदार घेतात.

आणि हे लक्षात ठेवा — भारताची लोकशाही ही कोणत्याही एका पक्षाची मालमत्ता नाही. ती १४० कोटी भारतीयांची सामूहिक जबाबदारी आहे!

-- दयानंद नेने 

#रोखठोक_दयानंद_नेने #Pointblank_Dayanand_Nene