*“DJ म्हणजे उत्सव नाही, तर नागरिकांच्या अधिकारांवर अतिक्रमण” - हा संदेश देणाऱ्या पुणेकरांचे खूप खूप अभिनंदन!,*

 #रोखठोक_दयानंद_नेने

💥 *“DJ म्हणजे उत्सव नाही, तर नागरिकांच्या अधिकारांवर अतिक्रमण” -  हा संदेश देणाऱ्या पुणेकरांचे खूप खूप अभिनंदन!,*

*आता ठाणेकरांची पाळी!*

- पुण्यात आज DJच्या वाढत्या दणदणाटाविरोधात नागरिक रस्त्यावर उतरले.

- कदाचित काही जण विचारतील — “किती लोक आले होते?”

हा प्रश्नच चुकीचा आहे.

• प्रश्न हा नाही की मोर्च्यात किती हजार लोक होते.

प्रश्न हा आहे की कोण लोक रस्त्यावर आले होते?

• एखाद्या गणेश मंडळाच्या मिरवणुकीत DJच्या तालावर नाचणारे लोक यापेक्षा अधिक असतील. पण हा मोर्चा गर्दी जमवण्याचा कार्यक्रम नव्हता.

मोर्चाला -

ना मोठा राजकीय नेता.

ना प्रायोजक.

ना रेडीमेड बॅनर-फलकांचे वाटप.

ना वाहनांची व्यवस्था.

ना गर्दी जमवण्यासाठी यंत्रणा.

🔹 फक्त एक आवाहन — “सकाळी ११ वाजता बालगंधर्व येथे या.”

आणि लोक आले.

- विशेष म्हणजे हे नेहमी आंदोलन करणारे लोक नव्हते. सरासरी वय ४५च्या पुढे. नोकरी-व्यवसाय करणारी, कुटुंब सांभाळणारी, कायदा पाळणारी, पांढरपेशी माणसे.

- *ज्यांनी आयुष्यात कधी घोषणा दिल्या नसतील, ज्यांनी कधी मोर्चात फलक धरला नसेल, ती माणसे आज उन्हात रस्त्यावर उभी होती.*

- ही गर्दी नाही. हा इशारा आहे.

👉 एका आजी-आजोबांचे जोडपे सुरुवातीपासून शेवटपर्यंत मोर्च्यात होते. दोघेही सहज साठीपारचे. हातात फलक घेऊन उन्हात उभे.

- त्यांना या वयात रस्त्यावर उतरावे लागले, याचे श्रेय आपल्या तथाकथित ‘उत्सवप्रिय’ व्यवस्थेला द्यावे लागेल!

कारण मुद्दा केवळ DJचा नाही.

मुद्दा आहे — नागरिकाला शांततेत जगण्याचा अधिकार आहे की नाही?

🔹 उत्सव साजरा करा. आनंद साजरा करा. परंपरा जपा.

- पण तुमचा उत्सव दुसऱ्याच्या घरात घुसला की तो उत्सव राहत नाही; तो त्रास होतो.

- मंदिर असो, गणेशोत्सव असो, नवरात्र असो, दहीहंडी असो, लग्न असो किंवा राजकीय कार्यक्रम असो — कायद्यापेक्षा मोठा कोणताही उत्सव असू शकत नाही.

- श्रद्धेची उंची डेसिबलमध्ये मोजली जात नाही.

भक्तीचा पुरावा स्पीकरच्या आवाजात नसतो.

आणि संस्कृती म्हणजे इतरांच्या शांततेचा बळी देणे नव्हे.

🔹 *आता एक प्रश्न ठाणेकरांना!*

पुणेकरांनी रस्त्यावर उतरून आवाज उठवला.

ठाणेकर काय करणार?

- ठाण्यातही आपण हा त्रास वर्षानुवर्षे सहन करतो आहोत.

- DJ, भोंगे, मिरवणुका, राजकीय कार्यक्रम — प्रसंग कोणताही असो; आवाजाची मर्यादा ओलांडली की त्रास मात्र सामान्य नागरिकालाच सहन करावा लागतो.

- आणि आपण काय करतो?

कान बंद करतो.

खिडक्या बंद करतो.

मुलांचा अभ्यास बिघडतो — सहन करतो.

वृद्धांची झोप उडते — सहन करतो.

आजारी व्यक्ती त्रस्त होते — सहन करतो.

*आणि दुसऱ्या दिवशी पुन्हा त्याच नेत्याला मत देतो!*

🔹 बस्स! आता हे बदलले पाहिजे.

*ठाणेकरांनी राजकीय पक्ष कोणता आहे, झेंडा कोणता आहे, नेता कोणता आहे यापेक्षा नागरिकांच्या अधिकारांसाठी त्याची भूमिका काय आहे, हे पाहिले पाहिजे.*

👉 आणि म्हणून एक स्पष्ट नागरिकी भूमिका घ्या —

*“जो पक्ष किंवा उमेदवार ध्वनिप्रदूषण करतो, नियमबाह्य DJ वाजवतो, मोठ्या आवाजाला प्रोत्साहन देतो किंवा मतांच्या राजकारणासाठी बेशिस्तीला संरक्षण देतो — त्याला मतदान करू नका!”*

👉 होय — मत देऊ नका.

ही कोणत्याही धर्माविरोधातील भूमिका नाही.

ही कोणत्याही उत्सवाविरोधातील भूमिका नाही.

ही कोणत्याही एका पक्षाविरोधातील भूमिका नाही.

👉 ही भूमिका आहे — आपल्या शांततेच्या अधिकारासाठी.

🔹 नेत्यांना एक गोष्ट समजली पाहिजे:

- तुम्ही DJ लावून, बायका नाचवून हजार लोकांचे मनोरंजन करू शकता;

पण त्या आवाजामुळे त्रस्त झालेल्या लाखो नागरिकांची मते गृहीत धरू शकत नाही.

- आजपर्यंत राजकारण्यांना वाटत आले की DJ म्हणजे मतांची गर्दी.

• आता ठाणेकरांनी सिद्ध करायचे आहे की —

- DJचा आवाज मोठा असला तरी नागरिकांचा मतदानाचा आवाज त्याहून मोठा असतो!

- ज्याला उत्सव हवा आहे पण कायद्याच्या चौकटीत — त्यालाच मत.

- ज्याला श्रद्धा हवी आहे पण दुसऱ्याच्या शांततेचा सन्मान राखून — त्यालाच मत.

- ज्याला विकास हवा आहे आणि नागरिकांचे जीवनमान महत्त्वाचे वाटते — त्याला मत.

पण—

- *जो ध्वनिप्रदूषणाला राजकीय संरक्षण देईल, त्याला मत नाही!*

- एकदा ठाणेकरांनी ही भूमिका घेतली, तर राजकीय पक्षांना आणि उमेदवारांना स्वतःहून DJचा आवाज कमी करावा लागेल.

कारण शेवटी राजकारण्यांना सर्वात चांगली समजणारी भाषा कोणती?

*मतांची भाषा.*

- पुणेकरांनी आज रस्त्यावर उतरून इशारा दिला आहे.

- ठाणेकरांनी आता मतदानातून उत्तर देण्याची वेळ आली आहे.

*पुणेकरांचे मनःपूर्वक अभिनंदन!*

*आता ठाणेकरांनी ठरवायचे —*

आपल्याला उत्सव हवा की उन्माद?

आवाज हवा की अधिकार?

आणि सर्वात महत्त्वाचे —

मत कोणाला द्यायचे?

*शांततेचा सन्मान करणाऱ्याला — हो.-

*ध्वनिप्रदूषणाला संरक्षण देणाऱ्याला — ठामपणे नाही!*

-- दयानंद नेने 

7 सप्टेंबर 2026