💥 'जय गुजरात’ म्हणजे महाराष्ट्राचा अपमान नाही – विरोधकांनी खोटं राजकारण थांबवावं

 💥 'जय गुजरात’ म्हणजे महाराष्ट्राचा अपमान नाही – विरोधकांनी खोटं राजकारण थांबवावं

• उप मुख्यमंत्री एकनाथ शिंदे हे आज पुण्यात एका गुजराती समाजाच्या सांस्कृतिक कार्यक्रमाला उपस्थित होते. त्या मंचावर त्यांनी शिष्टाचार म्हणून भाषणाच्या शेवटी "जय गुजरात" असं म्हणत, उपस्थितांचं अभिवादन केलं. मात्र विरोधकांनी त्याचा विपर्यास करत, महाराष्ट्राच्या अस्मितेवर घाला घातल्याचा खोटा आरोप केला – जो संपूर्णपणे निराधार आहे.

• या प्रकारावरून महाराष्ट्रात काही राजकीय पक्षांनी पुन्हा एकदा मराठी अस्मितेचं ढोल बडवत, खोटं आणि दिशाभूल करणारं राजकारण सुरू केलं आहे. 

• "जय गुजरात" हे एक सामाजिक औपचारिकतेचा भाग होता, जसं बडोद्याला झालेल्या साहित्य संमेलनात आपले लोकं "जय महाराष्ट्र" म्हणतात तसा. त्या मंचावर उपस्थित असलेल्या नागरिकांप्रती आदर व्यक्त करण्यासाठी शिंदेंनी ते म्हटलं, महाराष्ट्राचा अवमान करण्यासाठी नव्हे.

• राजकारणामध्ये मतभेद असू शकतात, पण मुद्दाम चुकीचा अर्थ काढून जनतेच्या भावना भडकवणं हे निषेधार्ह आहे. महाराष्ट्राचे मुख्यमंत्री असताना एकनाथ शिंदे हे सातत्याने महाराष्ट्राच्या हितासाठीच काम करत आले आहेत – मराठी भाषेपासून ते राज्याच्या विकासापर्यंत. आज उपमुख्यमंत्री म्हणून त्यांचा व्यासंग आणि समज वखाणण्या जोगी आहे.

• आज आपल्या राज्याला एकत्रतेची आणि समन्वयाची गरज आहे. महाराष्ट्र हा केवळ मराठी माणसांचा नव्हे, तर सर्व धर्म, जाती आणि भाषांचा सन्मान करणारा पुरोगामी प्रदेश आहे. जेव्हा आपण "जय महाराष्ट्र" म्हणतो, तेव्हा इतर राज्यांनाही मान देणं ही आपल्या संस्कृतीचीच ओळख असते.

• विरोधकांनी निवडणुकीच्या पार्श्वभूमीवर जनतेच्या भावना चिथावण्यासाठी मुद्दाम तयार केलेले हे वाद टाळायला हवेत. एकनाथ शिंदे यांनी "जय गुजरात" म्हटलं म्हणजे ते गुजरातप्रेमी झाले आणि महाराष्ट्रद्रोही झाले, हे आरोप म्हणजे फक्त भंपक राजकारण आहे.

सामाजिक शिष्टाचार आणि प्रदेशभक्ती यामध्ये फरक ओळखायला आणि ठेवायला हवा. मुख्यमंत्री एकनाथ शिंदे हे महाराष्ट्राचे नेते आहेत, त्यांच्यावर अशा प्रकारचे निराधार आरोप लावणे म्हणजे स्वतःच्या राजकीय अपयशावर पडदा टाकण्याचा प्रयत्न आहे. 

जनतेनेही अशा खोट्या राजकारणाला बळी न पडता खरे आणि खोटे वेगळे ओळखले पाहिजे.

- दयानंद नेने

  4/7/25