#रोखठोक #ठाणेकर_म्हणतात_हमाम_में_सारे_नंगे

 #रोखठोक #ठाणेकर_म्हणतात_हमाम_में_सारे_नंगे

🧩 *महापालिका निवडणूक : ठाणेकरांना हवेत ५०% नवे चेहरे — गट बाजीला, फोडाफोडीला आणि आरोप-प्रत्यारोपांना जनता कंटाळली!*

• ठाण्याचे राजकारण अनेक वर्षांपासून तेच ते चेहरे, तीच ती समीकरणे आणि तेच ते नाटक पाहत आले आहे.

पक्ष फोडणे, पक्षांतरे, एकमेकांवरचे आरोप-प्रत्यारोप, गद्दारी-निष्ठा यांची अखंड चालणारी मालिका… ठाणेकरांना याचा आता तीव्र कंटाळा आलेला आहे.

लोकांचं थेट म्हणणं आता बस्स —

*“हमाम में सारे नंगे… आता हे सगळं पुरे!”*

🔹 * यंदा ठाणेकरांची ठाम मागणी — किमान अर्धे उमेदवार नवे असावेत*

शहराच्या वाढत्या समस्या, ताणलेली पायाभूत सुविधा, खालावलेली प्रशासनिक क्षमता आणि त्याहून महत्त्वाचे म्हणजे *काम न करणाऱ्यांचे कायमचे सत्ताकारण* — या सगळ्यांच्या पार्श्वभूमीवर लोकांचा आवाज एकच आहे:

✔ *५०% नवे चेहरे हवे*

✔ समाजकार्यातून आलेले, कामगिरी दाखवू शकणारे लोक हवे

✔ घराणेशाही, कायमचे नगरसेवक, निष्ठावंत - गद्दार बकवास हे सगळं नको

✔ खऱ्या अर्थाने शहराला दिशा देणारे उमेदवार हवेत

🔹 *जनता आता मुद्दे विचारते — पक्षांतरे नाही*

“कोण कुणाच्या गोटात गेला?”,

“कोण गद्दार? कोण निष्ठावंत?”,

“कोण कोणाच्या विरोधात?”

ही भाषा आता ठाणेकरांना बोअर झाली आहे.

*लोकांचे प्रश्न वेगळे आहेत:*

* माझ्या रस्त्यांवर खड्डे का?

* वाहतूक कधी सुरळीत होणार?

* शहरात पाणीपुरवठा कधी स्थिर होणार?

* पावसाळ्यात पूरस्थितीचं संकट का?

* अतिक्रमण, फेरीवाले, पार्किंग यावर निर्णय कोण घेणार?

*पक्षीय गदारोळ नको — कृती हवी!*

🔹 *ठाण्याची सर्वात मोठी समस्या – ट्रॅफिक!*

ठाण्याची सर्वात मोठी आणि सर्वात ज्वलंत समस्या – *ट्रॅफिक!*

• आज ठाणेकर घराबाहेर पडताना पहिला विचार करतात,

*“आज कुठे अडकेन? किती वेळ वाया जाईल?”*

शहराचा प्रत्येक मोठा रस्ता — ठाणे–मुलुंड कारिडोर, घोडबंदर रोड, मीरा–भायंदर कनेक्शन, कळवा–मुम्ब्रा बायपास — सर्वच सतत कोंडलेले.

कारमध्ये बसून १० मिनिटांचा रस्ता कधी ४५ मिनिटांचा होतो, ते कळतही नाही.

• *मेट्रो, उड्डाणपुलांचे अर्धवट प्रकल्प — जनतेला त्रास, प्रशासनाला घाई नाही*

जे प्रकल्प वाहतूक सुरळीत करण्यासाठी सुरू झाले, तेच पुढे अडथळा बनले.

अर्धवट उड्डाणपुलं, महिनोन् महिने वाढणाऱ्या डेडलाईन, न थांबणारा कामाचा संथ वेग —

लोकांना सरळ सरळ प्रश्न पडतो:

“ही कामं पूर्ण करायची की फक्त बोर्ड लावून दाखवायचं?”

*पार्किंगचा अभाव — रस्ते पार्किंगचे डेपो बनले*

ठाण्यातील प्रत्येक गल्लीत कार किंवा बाईक उभी असते.

रस्ते अरुंद, पार्किंगची पॉलिसी नाही, शॉपिंग हब, शाळा, व्यावसायिक इमारती — सर्व ठिकाणी *नो-सिस्टम, फक्त गोंधळ*.

लोकं विचारतात:

*“जेवढ्या गाड्या विकल्या जातात, तेवढ्या पार्किंगची व्यवस्था कोणी करणार?”*

*फक्त घोषणांनी ट्रॅफिक सुटत नाही — तांत्रिक, व्यावसायिक उपाय हवेत*

ठाण्याच्या ट्रॅफिकला फक्त राजकीय भाषणे, जाहीरात मोहीम किंवा फोटो-सेशनने फायदा नाही.

यासाठी लागतात तज्ज्ञ, शास्त्रशुद्ध योजना आणि दीर्घकालीन निर्णयक्षमता:

✔ *इंटिग्रेटेड ट्रॅफिक मॅनेजमेंट सिस्टम (ITMS)* — कॅमेरे, सिग्नल समन्वय, रिअल-टाइम कंट्रोल

✔ *स्मार्ट सिग्नलिंग* — वाहतुकीनुसार बदलणारी सिग्नल टाइमिंग

✔ *मल्टी-लेव्हल पार्किंग हब्स* — प्रत्येक प्रभागात किमान ३–४

✔ *पब्लिक ट्रान्सपोर्टला प्राधान्य* — बसेस, शटल्स, ई-ऑटो रूट्स

✔ *वॉकवे आणि सायकल ट्रॅक* — छोट्या प्रवासासाठी पर्याय

✔ *भुयारी मार्ग आणि कनेक्टिव्हिटी सुधारणा*

✔ *प्रकल्प वेळेत पूर्ण करण्यासाठी कठोर मॉनिटरिंग*

*ठाणेकरांचा प्रश्न अजूनही तसाच आहे:*

• “हे सर्व करण्याची हिंमत, क्षमता आणि व्हिजन असणारं नेतृत्व नक्की कोणाकडे आहे?”

• शहराचा श्वास रोखून धरणारी ट्रॅफिक समस्या सोडवण्यासाठी घोषणाबाजी नव्हे,

*तांत्रिक कौशल्य, धाडसी निर्णय आणि सातत्यपूर्ण नेतृत्व* लागणार आहे — आणि आज ठाणेकर त्या शोधात आहेत.

🔹*शिवसेना (शिंदे गट) बद्दलचा भ्रमनिरास वाढत*

अनेक वर्षे शहरावर एकाधिकार असलेल्या या गटाविषयी लोकांमध्ये आता स्पष्ट नाराजी:

* अपेक्षेप्रमाणे काम नाही

* शहराचा कायापालट होईल अशी ज्यांनी आशा दिली, त्यांनी ती पूर्ण केली नाही

* मोठमोठ्या घोषणांपेक्षा प्रत्यक्ष काम कमी

*जनता विचारते: सत्ता मिळाली, यंत्रणा मिळाली… पण शहर तरी किती बदलले?*

🔹*भाजपाकडे मतदार आहेत — पण स्थानिक नेतृत्वाकडे व्हिजनची कमतरता*

भाजपाची मतदारसंख्या भक्कम आहे, यात शंका नाही.

पण ठाण्यातील सर्वात मोठा प्रश्न असा की —

*“धमक असलेलं, ठोस व्हिजन असलेलं, शहरासाठी काम करणारे नेतृत्व कुठे आहे?”*

* पक्षाला वोट द्यायला मतदार आहेत पण नेतृत्व च नाही - तेच एक एकटे संजय केळकर..

* पालिकेमध्ये तांत्रिक जाण असणारे नेते नाहीत

* प्रशासनाला खऱ्या अर्थाने धक्का देणारे नेते दिसत नाही

मतदारांचा झुकाव असला तरी उत्साह नाही — कारण विश्वास बसत नाही की बदल घडवतील.

🔹 *काँग्रेस आणि दोन्ही राष्ट्रवादी — अस्तित्व टिकवण्याची लढाई*

या पक्षांचे ठाण्यातील राजकारण सध्या *फक्त अस्तित्वाच्या संघर्षात* अडकले आहे.

* संघटना कमकुवत

* कार्यकर्त्यांची तूट

* स्थानिक नेतृत्वाचे अभाव

* पक्षांतर्गत गोंधळ

लोकांचे म्हणणे स्पष्ट:

*“हे दोन्ही पक्ष स्वतःला वाचवू शकत नाहीत… शहर काय वाचवणार?”*

🔹*मनसेबद्दल घोर निराशा — ज्या पक्षाबद्दल अपेक्षा होत्या, त्यांनी काहीच केले नाही*

मनसेची भाषा, भूमिका आणि स्टाईल ठाण्याला एकेकाळी आवडली होती.

पण कालांतराने:

* संघटन निष्क्रिय

* नेतृत्वांत एकसंधता नाही

* नगरसेवकांच्या कामगिरीबद्दल असंतोष

* लोकांमध्ये ‘उदासीनता’ भावना

परिणामी *घोर निराशा*.

🔹 तळटीप : यंदाची महापालिका निवडणूक — ठाणेकरांनी घेतलेला ‘मूड टर्न’

यंदा जनता एकाच गोष्टीकडे पाहते आहे:

“जुन्या चेहऱ्यांना कंटाळलो… आता काम करणारे नवे चेहरे द्या!”

जनतेचा स्पष्ट संदेश:

* निष्ठा–गद्दारीचं नाटक नको

* पक्ष फोडाफोडीचे ड्रामे नको

* आरोप-प्रत्यारोपचं गरमागरम राजकारण नको

* *विकास हवा — आणि तोही खरा!*

ठाण्याची निवडणूक यावेळी पक्षांची नाही,

“चेहऱ्यांची” निवडणूक होणार आहे.

ज्याच्याकडे व्हिजन, क्षमता आणि परिणाम देण्याची ताकद असेल –

जनता त्यालाच संधी देणार आहे.

-- © दयानंद नेने